學生成日問：「點先可以練快d/準d/大力d/手指鬆d/熟樂理d/耳仔好d ？」
-
細心d搞清楚個動作／樂理，然後重覆練習，有錯就慢慢改，再重覆。我多數答完，大家都覺得我hea答。
-
其實你都係想要捷徑，但可惜我無。唔係收埋咗，而係我都係日日練、日日寫、日日聽同日日改。
-
有晚有學生講起「破產」，然後佢斬釘截鐵話我一定唔會破產，因為我唔夠貪心。
-
我絕對貪心。我想進步所以練習。
我最聰明就係知自己蠢，知自己無耐性，知自己要求高又暴躁。所以我慢慢練，慢慢寫，慢慢教。
-
做老師，我會用不同方法傳遞知識技巧。
同時在練習路上，我只係大家的「先生」，比大家早開始練習的人。我同樣在練習的路上陪伴大家
-
不貪心，才最貪心。
我已看過太多貪心但又自以為是的人，最後一無所有，墮落了。
一心一意，一步一步去目標進發。這就是捷徑吧？就是一條直線。
#結他譜 #結他班 #結他老師
Search